As gevolg van die Covid-19 pandemie, is ons vertonings nou aanlyn beskikbaar op ons digitale platform: die Boer "by die huis". Hierdie programme is opgeneem volgens die professionele standaarde wat jy van die Boer sou verwag.

We also do Take - Away meals from Wednesday to Sunday .  See details below

Elsabe sê: Genoeg is genoeg! Ons gaan wel Vrouedag 2020 vier – al is dit elke bobbejaanwyfie op haar eie krans. Danksy die digitale platform van Die Boer-teater kan jy my spesiale pretpraatjie wat deur ‘n puik filmspan opgeneem is in die warmte van jou eie woonplek kyk  - op ‘n tyd wat vir jou geleë is.
Ek hoop jy word opgekikker deur die lag en luister na Sappige Wenwenke. 2020 is nie jou gewone skrikkeljaar nie. Februarie het wel 29 dae gehad, maar Maart was 300 dae lank, Mei 2 jaar, Junie ‘n dekade en Julie ‘n eeu. Dit is ‘n verskrikte en skrikwekkende jaar. Ons vrouens moet keer om nie papgeklap te word nie! Kom ons maak ons binnetenkies vol!
Wees asseblief so gaaf om dit met hartsvriendinne landswyd en in die buiteland te deel. Almal is welkom en daar is lekker pryse op die spel in ons eie selfie-kompetisie!
Die kaartjieding werk heel eenvoudig:
Kaartjies kos R100 en is beskikbaar by Webtickets
https://www.webtickets.co.za/v2/Event.aspx?itemid=1502513919
  • Wanneer jy ‘n kaartjie koop, word ‘n Webticket-profiel in jou naam geskep met ‘n wagwoord wat jy self kies.
  • Vanaf ongeveer 17:00 op 6 Augustus sal daar ‘n skakel na die optrede op jou  Webticket-profiel by My kaartjies verskyn.
  • Jy kan daardie aand vanaf 19:00 begin kyk tot en met 19:00 op 11 Augustus 2020 (soveel kere as wat jy wil).
  • Besluit op watter toestel jy dit gaan kyk. Dit moet aan die internet gekoppel wees soos jou televisie, rekenaar, tablet, selfoon ens.
Jy kan alternatiewelik ‘n kaartjie by die Webtickets-toonbank van enige Pick ‘n Pay-winkel koop.  Volg net die instruksies.

 Forgot Password